Makambo ya kobombama mpe lotomo ya bakomi

Nani azali nsima ya Sanjola

Sanjola esalemi mpe etambwisami na ęxaucæ. Soki ozali na motuna na ntina ya ba donnée na yo to ya nzembo moko, komela biso : ekipe moko wana nde ekozongisela yo.

Nini tobombaka

Kaka oyo chorale esengeli mpo na kotambola :

• Compte na yo : nkombo, adresse e-mail, mot de passe (ebombami na lolenge oyo moto moko te akoki kotanga), monoko, langi, mpe foto na yo soki obakisi yango. Na « Continuer avec Google », Google etindelaka biso kaka nkombo mpe e-mail na yo.
• Chorale na yo : nkombo, sigle, lingomba, paroisse, engumba, mboka, ngonga ya esika, logo, bannière, ba lien ya ba réseau na bino, mpe formule oyo oponi.
• Bamembre : nkombo, e-mail, telefone, mingongo, bisaleli ya miziki, mikumba, esika, mikolo ya koya mpe ya kokende, mpe mokolo ya mbotama soki ekomami (kaka moyembi mpe bakambi nde bamonaka yango, na formulaire ya kobongola). Mokambi akoki kokoma moyembi oyo azali na compte te ; asalaka yango mpo na ye mpe asengeli kozwa ndingisa na ye.
• Banzembo : titre, mokomi, arrangeur, maloba, tonalité, ba étiquette, mpe ba fichier (ba enregistrement, ba partition, ba foto).
• Bafeti : mikolo, bisika, ba programme, bato oyo baponami mpe bozali.
• Ba journal technique (adresse IP, lokasa oyo esengami, ngonga), mpo service etambola mpe tokanga baye bazali kobebisa.

Nani amonaka nini

Chorale ezali ya kobombama. Kaka bato oyo bakoti na kati bakoki kofungola yango, moko na moko na kolanda esika na ye.

Bamembre nyonso

Banzembo mpe ba fichier na yango, manaka, ba programme, liste ya bamembre na mingongo na bango, mpe bozali.

Membre moko na moko

Amonaka e-mail mpe telefone na ye moko, mpe aponaka ye moko mingongo mpe bisaleli na ye.

Bankolo mpe ba admin

Bamonaka lisusu e-mail mpe telefone ya bamembre nyonso. Babatelaka bamembre, ba libyangi mpe babongisi, mpe, na kolanda formule, import mpe export Excel.

Mokambi ya chorale mpe secrétaire

Babongisaka ba programme mpe ba répertoire, mpe basalaka botangi.

Kobongola nzembo

Moto oyo abakisaki yango mpe ba admin ya chorale.

Bibliothèque na yo moko

Yo kaka.

Bapaya oyo bazali na compte te

Eloko te, longola soki chorale efungoli lokasa na yango ya bato nyonso (tala awa na nse).

Ekipe ya Sanjola

Efungolaka te makambo ya chorale na yo, longola mpo na kobongisa likambo oyo oyebisi biso, kokoma lifuti, to soki mobeko esengi yango.

Lokasa ya bato nyonso

Ekangami kino admin akofungola yango na babongisi ya chorale, mpe akoki kokanga yango lisusu tango nyonso.

Soki efungwami, moto nyonso akoki komona : nkombo mpe lilakisi ya chorale, logo, bannière mpe ba lien ; liste ya banzembo na makambo na yango mpe maloba ; bafeti na ba programme mpe bato oyo baponami ; liste ya bamembre na bankombo, bafoto, mingongo, bisaleli mpe mikumba na bango.

Emonisaka te ba fichier (ba enregistrement mpe ba partition), bozali, ba e-mail to ba nimero ya telefone.

Ba fichier na yo

Ba enregistrement, ba partition mpe bafoto ebombami epai ya hébergeur cloud na biso mpe elekaka na Sanjola mpo na komonana. Enregistrement ekitaka kaka soki moto afini lecture.

Fichier moko na moko ezali na lien ya molai oyo moto akoki kokanisa te. Kasi moto oyo azwi lien yango akoki kofungola fichier ata azali na compte te : kabola yango kaka na kati ya chorale.

Banzembo, ba partition mpe lotomo ya bakomi

Oyo obakisi etikalaka ya yo, to ya bakomi na yango. Sanjola esengaka lotomo moko te likolo ya banzembo, ba partition to ba enregistrement na bino : tobombaka yango mpe tomonisaka yango kaka na bato oyo bino boponi.

Sanjola etalaka lotomo te. Moto oyo abakisi partition, enregistrement to maloba asengeli kozala na ndingisa, na ndakisa :

• mosala ya domaine public ;
• mosala oyo chorale ekomaki to e-enregistraki ;
• ndingisa ya mokomi to ya éditeur ;
• licence ya lingomba, ya diocèse to ya fédération na bino.

Partition oyo esombami mpo na chorale epesaka ntango nyonso te lotomo ya kosala ba copie numérique. Soki ozali na ntembe, bomba yango na papier mpe koma kaka titre mpe référence na yango na Sanjola.

Maloba emonanaka na lokasa ya bato nyonso soki efungwami. Tika kuna kaka maloba oyo bozali na ndingisa ya kolakisa.

Ozali mokomi to éditeur ya mosala oyo etiamaki na ndingisa na yo te ? Komela biso, lakisa mosala mpe chorale : tokolongola yango nsima ya kotala mpe tokoyebisa chorale.

Oyo tosalaka te

• Piblisite te.
• Toteklaka te mpe topesaka te ba donnée na yo na niongo.
• Tolandaka bino te : totangaka bato oyo bayei na esaleli oyo ezali na cookie te, mpe esalelamaka te mpo na koyeba yo.
• Ba e-mail ya piblisite te : tokomelaka yo kaka mpo na compte na yo (kondima, mot de passe, libyangi).

Ba prestataire na biso

Ba service mingi basalisaka biso mpo Sanjola etambola. Moko na moko azwaka kaka oyo asengeli mpo na mosala na ye :

• ba hébergeur cloud, mpo na serveur, base de données mpe ba fichier ;
• esaleli ya kotanga bato oyo bayei, ezali na cookie te ;
• service ya kotinda ba e-mail, mpo na kondima, mot de passe ebungami mpe ba libyangi ;
• Google, kaka soki oponi « Continuer avec Google ».

Bafuti esalemaka libanda ya application (Mobile Money, mbongo to virement). Sanjola ekomaka kaka formule ya chorale mpe mokolo oyo ekosila.

Cookies

Sanjola esalelaka kaka ba cookie oyo esengeli : bokoti na yo, « Se souvenir de moi », monoko na yo mpe chorale ya nsuka oyo ofungolaki. Langi na yo (pole to molili) etikalaka na navigateur na yo. Cookie ya piblisite te.

Tango boni, mpe ndenge ya kolongola

Tobombaka ba donnée na yo tango compte na yo to chorale na yo ezali.

• Okoki kobima na chorale tango nyonso na lokasa na yo ya membre : molongo na yo elongwe na liste, elongo na bozali na yo.
• Admin akoki kolongola membre na chorale, mpe ekosala ndenge moko.
• Nkolo akoki kolongola chorale : banzembo, ba fichier, ba répertoire, bafeti mpe bozali elongolami.
• Soki formule ya kofuta ezongisami te, eloko moko te elongolami : chorale ezongaka na formule ya ofele.
• Mpo na kolongola compte na yo, komela biso na adresse e-mail ya compte yango. Tokoyebisa yo liboso nini ekokende elongo na yango, sima tokolongola yango.

Makoki na yo

Yo moko obongisaka nkombo, foto, monoko, mingongo mpe bisaleli na yo, na profil na yo mpe na lokasa na yo ya membre. Mpo na kozwa copie ya ba donnée na yo, to mpo tobongisa to tolongola yango, komela biso.

Libateli

Sanjola etambolaka kaka na connexion ya kobombama (HTTPS). Ba mot de passe ebombami na lolenge ya sekele, bameki ya kokota mbala na mbala ekitisami, mpe chorale moko na moko emonaka kaka ba donnée na yango. Service moko te ezali na libateli 100 % : soki likama likomi ba donnée na yo, tokoyebisa yo.

Bana

Ba chorale mosusu ezali na bana. Bakambi oyo bakomaka bango basengeli kozwa ndingisa ya baboti na bango mpe kotondisa kaka oyo ezali na ntina. Na lokasa ya bato nyonso, mwana amonanaka lokola bamembre mosusu (nkombo, foto, mingongo) : kanisa yango liboso ya kofungola yango.

Mbongwana

Soki lokasa oyo ebongwani, mokolo oyo ezali likolo ekobongwana mpe.